O loo lapata’ia nei e leoleo tagata i Vitoria ina ia mataala ina ua ta’ua e 2 miliona ua ma’umau mai faiga taufaavalea e aofia ai le MyGov Tax talu mai le aso 30 o Iuni.
O le au taufaavalea na taumafai e saofia auaunaga a le malo i le mygov e aofia ai ma accounts i le ATO poo le ofisa o lafoga i le taimi e faila ai tax, o le faamatalaga lea mai le Cybercrime Squad.
Fai mai o le au taufaavalea ia latou te faia ni peimeni taufaasese i accounts a tagata o loo latou faaseseina, faaaogaā ai o latou igoa pe toe fetuuna’i foi tax refund a ia tagata ia aga’i sa’o atu ia latou accounts.
E silia ma le 300 lipoti o tulaga faapea ua lipotia i leoleo i Vitoria talu mai le aso 30 o Iuni ma ua miliona ua ma’umau ai.
Faailoa e le 9news o le isi auala o loo faaaogā e le au taufaavalea e aofia ai le tuu ane o ni links i se upega tafailagi atoa ai ma imeli taufasese faapea foi ma texts.
Puna o Faamatalaga: https://www.9news.com.au/national/victorians-warned-as-2-million-lost-to-ato-scams-since-june/4f0c3329-072c-440c-a28f-6285b0fc79d0
