Na mu se tasi o faletaavale i Kalaiesetete i le taeao nei ma e tuufaatasia tala fou o loo fautuaina e le tineimu tagata e tapunipuni faamalama o fale ona o le malosi o le asu.
E silia ma le 50 sui o le tineimu o loo iai i le Auto Inspection Services i Colombo St e lata i Cass St, ma lipotia o lea ua tapunia ai foi ma nisi o auala tuaoi.
O le te’a o le 4 i le vaveao nei na lipotia ane ai lea mu i le tineimu ma o loo iai foi ma leoleo e fesoasoani i taavale feoa’i.
Ua ta’ua mai le malosi tele o le asu ma o loo fautuaina ai le tapunipuni o faamalama o fale ma nonofo i totonu o fale ona o le aafiaga ua iai le ea a o salalau ai le asu.
Puna o Faamatalaga: Christchurch residents told to close windows as large building fire burns on Colombo St – NZ Herald
