Ua fautuaina tagata e aumau i faaitu o Perth o loo sasao malosi ai nei le afi, ina ia agai ese mai ma o latou maota ona ua faigata lava ona taofiofia le sasao ane i le togavao ona o le malosi o le vevela.
Fai mai le matagaluega o le Afi ma auaunaga faavavave a le itu i sisifo o Ausetalia ua maea ona tuuina se lapataiga faavavave mo i latou o loo aumau i Ledge Point faapea le faaitu e faaigoa o Indian Ocean Drive ile agai i sasae.
Ua lapataia tagata ia o ese vave loa ona o le lamatiaga i le soifua ae o i latou foi ua le mafai ona toe agai ese ua lapataia ia saili vaega saogalemu e agai iai mo le puipuiga. O le po anapo na faalogoina le vevela i le tele o vaega o Ausetalia ma ua fautuaina tagata ia faaeteete.
Puna o Faamatalaga: https://www.9news.com.au/national/wa-ledge-point-bushfire-emergency-warning/589cb7b7-a875-48f7-83f8-147d67fccbb8
