Ua lapataia e le kamupani fai telefoni a le 2 Degrees ana paaga ina ia mataitu ni feau taufaasese, scam texts o loo ua talafo solo nei e faapea e mai auaunaga o kamupani courier.

O se sooupu a le kamupani sa faatalanoa e le Newstalk ma ia taua ai o paaga a le latou kamupani atoa ai ma le Spark ma le Vodafone lea o loo maua atu ai messages ia mai le au taufaavalea ma o ananafi na amata vaaia ai lea tulaga.

O loo galulue nei I latou e iai le tomai I auaunaga nei ina ia taofia ia texts ae ua lapataia ai le atunuu ma paaga a kamupani fai telefoni nei ina ia silafia ma ia aua nei oomiina le link o loo lafo atu I le text ia pe toe tali foi iai.

O se faataitaiga o le text ua faailoa ai ile gagana peretania “your shipment is about to be delivered, track your shipment’ ma tuuina atu loa ma le link I le pito I lalo e oomi.

Fautuaina tagata afai e maua atu lea ituaiga text ia vave logo le kamupani telefoni poo le Cert Nz Online ile www.cert.govt.nz