O se finagalo o le AA poo le Automobile Association ua faailoa i le RNZ e faapea o le fuafuaga a le Malo mo le faia o nisi siaki faaopoopo i le mānava a le tagata, e tatau ai i tagata ona toe mafaufau atili a o lei ave le taavale ma taumafa le ‘ava malosi.
O le amataga o le vaiaso ua faalauiloa ai e le Malo lana fuafuaga mo le tolu tausaga e faaalu ai le $1.3 piliona, le Road Policing Investment programme e aofia ai ma se vaegatupe e $1.3 piliona e faalu ai ma e unaia ai le faia pea o le siaki o le mānava i tausaga uma.
O le 65 pasene o ia siaki o le a faia lea i totonu o nofoaga o iai lamatiaga mai le ‘ava malosi.
Fai mai le Ofisa Sili o le AA Simon Douglas ua o latou vaaia tagata maliliu e mafua mai le ‘ava malosi ma fualaau faasāina, afai la e taula’i polokalame fai i le tulaga lea o lona uiga o le mea sa’o lea e ao ona fai.
Puna o Faamatalaga: https://www.rnz.co.nz/news/national/525528/aa-backs-breath-testing-boost
