Ua ioeina e le Medsafe le faaaogāina o le tuipuipui o le Jynneos mo le faama’i o le mpox ma ua faailoa foi e le minisita o le Soifua Maloloina, Dr Shane Reti o loo maualalo pea se lamatiaga i le atunuu i le vaai lautele i lea faama’i.

Ta’ua e le One News se finagalo o se tasi e galue foi i le auaunaga tau tuipuipui i le Iunivesite o Aukilani, ua ioeina tonu lea tuipuipui i se taimi tāua tele aemaise ua vaaia le vairusi lea o le mpox i Aferika ua amata ona iai ni suiga.

Ta’ua i le lipoti na toe maua foi isi e to’alua ua faamaonia le aafia i le mpox e lē taumate e iai sootaga i le Festival i Queenstown.

Sa faailoa se finagalo o le polofesa lagolago lea mai le Iunivesite o Aukilani i le faatalanoaga i luga o le Breakfast, Helen Petoussis Harris, e moni o loo maualalo pea le lamatiaga o le atunuu mai le mpox ae ua laki le atunuu ona ua iai se tuipuipui mo lea faama’i i le taimi nei.

Puna o Faamatalaga: https://www.1news.co.nz/2024/09/13/nz-really-lucky-to-have-provisionally-approved-mpox-vaccine-expert/