Ua malilie le Kapeneta ina ia matuai faasāina ona ulaina le vape ma lafoai, disposable vapes, malilie foi i le siitia o ni faasalaga mo le faatauina o vape i tamaiti e i lalo ifo o le tai 18 tausaga le matutua, malilie i le faia o se faatatau i le faatauina o vapes ma ia faaleleia le auaunaga, ma mautinoa o loo latou mataituina ia tulaga ina ia mulimulita’ia e le au faatau vape tulafono ua faatulaga nei.
O le Minisita Lagolago o le Soifua Maloloina, Casey Costello na ia folafola ia faamatalaga ma ta’ua ai o le a faasolo lava i le faiga masani lona faataunuuina ma le fuafuaga ia oo atu i le faaiuga o le tausaga ua mafai ona faataunuuina uma.
O se tasi lenei o mataupu ua leva ona tulituliloa e nisi sa faaleo lo latou popolega i oloa ia o vapes ma ona aafiaga i tagata ma le siosiomaga.
