Ioe se pagota i ona moliaga o le talepe fale

O se alii pagota na sola ese mai le falepuipui i Tanumalala mulimuli ane toe foi lea na tulai i luma o le faamasinoga maualuga i le vaiaso nei e tali ona moliaga e fa, ma ua ia ioeina nei moliaga uma.

O le alii pagota ia Vaai Panapa ua faamaonia lona ulufale faamalosi ai i ni fale se lua i Fiaga i totonu o sina taimi lea na sola ese mai ai ma le falepuipui. Taua i ripoti a leoleo o le fale muamua na ulufale ai Vaai Panapa o le maota o le susuga le Faifeau ia Viliamu Mafoe o le taitai o le Ekalesia Samoa Worship Centre. I ripoti a malu o le Mālō na gaoia ese Mai e Vaai se laau malosi o le .22 rifle ma le black scope e tusa ma le $1,200 lona tau aofai mai le fale o le taitai o le Ekalesia.

O le isi fale na ulufale faamalosi ai lea alii o le maota o Time Ah Siu i Fiaga faaoga ai le laau malosi na ia gaoia mai le fale muamua. Ua molia nei i moliaga o le talepe fale ma le umia o se aupega malosi.

E le’o le taimi muamua lenei ua sola ese Mai ai Vaai mai le falepuipui, o le tausaga e 2016 na sola ese ai foi ao iai le falepuipui i Tafaigata na maua e leoleo ma toe faafoi i le falepuipui.

O le Aso 15 o Novema o le a tuu mai ai le faasalaga o lea alii pagota mo moliaga faaopoopo lea ua tuuaia ai ma ia ioeina.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required