O le alii ia Rudolf Nauer o le alii avetaavale lea na tuuaia i le uma ai o le ola o se tamaititi 14 tausaga le matua i Vaoala. O lenei faalavelave na tulai mai i le masina o Mati o le tausaga nei.
Ua ioe Rudolf i ona moliaga o le avetaavale faatamala ua afua ai le maliu o se tasi. O le ua maliu o se alii aoga i Ave na faatalitali i tafatafa o le auala mo nai ona tei o loo I le aoga ae lavea ai loa i le loli na faafoeina e Rudolf Nauer.
O moliaga na faia faasaga i lea alii e aofia ai le ave taavale faatamala ua afua ai le maliu, ave taavale ua mafua ai le manu’a , faafoeina o se taavale e le’o laiseneina ma le ave taavale e aunoa ma se laisene.
O le aso 25 o Iuni 2021 o le a valaau ai loa le iuga o lea mataupu.
Ae mo le mataupu i le faalavelave tau taavale lea na tulai mai i Vaitele i le masina o Aperila lea na uma ai le ola o se tamaititi 19 tausaga le matua o loo sailia pea le taavale na afua ai lea faalavelave.
