Ua tuuina mai le lapata’iga, ina ua faaopoopo pea le to’atele o tagata taufaasese ma e le’i aloa’ia foi o ni tagata e mafai ona o latou tatalaina loka o fale.
E to’atele tagata Ausetalia o lea na gau ai i faiga taufaasese nei, ma o lea ua aga’i mai i Niu Sila.
O lea o loo i Niu Sila nei le peresetene o le Locksmiths ia Martin Coote e una’ia polokalame faalauiloa mo le silafia e tagata lautele o faiga taufaavalea nei ia ‘aua ne’i sesē ai.
Ua lipotia e iai se tasi o tagata ua gau ai lana $6,000, ma o lea foi ua tupu iinei, aemaise lava i Aukilani, Ueligitone ma Kalaiesetete.
Ae mai Ausetalia ma pulega o loo gafa ma lenei galuega, e talitonu o le to’atele o tagata o loo faia lenei amio o i latou nei o loo faakonekarate e kamupani tetele ma o i latou foi nei o loo aga’i i tua ma tāpā peimeni tetele.
Puna o Faamatalaga: xhttps://www.1news.co.nz/2024/11/24/warning-issued-over-rise-in-unqualified-workers-posing-as-locksmiths/
