O loo galulue pea saienitisi Ausetalia i se poloketi e mafai ona faia ai se satelite e vave ona iloa ai vaega o togavao o le a aafia i afi.
Ua lipotia i le 9News o le poloketi lea o loo faatupe e le SmartSat CRC ma faauluulu i le Iunivesite o Ausetalia i Saute ua faaaogā ai le malamalama tau tekonolosi, AI Technology ina ia faia ai se faiga e vave ona mata’ituina ai afi i togavao, bushfires ma o loo feta’ua’ina e ono aogā foi i le suesueina o le mamā o le suavai atoa ma le puleaina o eleele.
O loo ta’ua i le lipoti ua maitauina e saienitisi i le suesuega e tele penefiti i le faaaogāina o le ituaiga malamalama fou lea faaonaponei le AI aemaise mo auala e puipui ai soifua o tagata.
Puna o Faamatalaga: https://www.9news.com.au/national/bushfire-ai-detection-new-cube-satellites-could-spot-blazes-in-record-time/e26770c7-93a1-426c-b33f-a24db8a592c6
