Galulue leoleo e fautua le atunuu ia saogalemu i aso fiafia

Taunuu manuia I nei aso fiafia, afai o loo e tagofia le ava malosi, aua ete tagofia le foeuli.

O le autu lea o le taumafaiga faifaatasi a leoleo ma le Waka Kotahi NZ Transport Agency ina ia faalauiloa I le atunuu le taua o le usitaia o ia fautuaga ao tapena atu mo le faamanatuina o le kirisimasi ma aso fiafia o lenei tausaga.
O tausaga taitasi e oo atu ile 400 tagata e maliliu ma fasiotia I luga o alatele I niusila pe manunua tigaina foi. I lipoti mai le pepa o faamatalaga a leoleo I le aso ua faailoa ai e le pule o vaega o alatele a le ofisa o leoleo o Gini Welch e le manaomia ona faaleagaina aso malolo o tagata e ala I ni faalavelave e mafai ona alofia. Mae e iai I tagata uma le malosiaga e faia ai ni faaiuga lelei ma saogalemu mot agata uma.

Fai mai leoleo o le feau e faigofie lava, afai e tagofia le ava, taofi le feoai I taavale pe ave foi le taavale.Taua foi ise finagalo o sui o le NZ Transport e iai lava tagata poo avetaavale e le manatu I latou o se faafitauli le avetaavale ona. E mafai ona sasi tagata uma ae afai e tagofia le ava ma ave le taavale e ono avea o se mea sese I le faatulagaina o le olaga o le tagata ma e iu foi ina faaumatia ai le soifua.
Ua faailoa mai e leoleo o le a matua galulue malosi I le faia o siaki  I alatetele I le vaitau o aso fiafia. I le 5 tausaga mai le 2015 ile 2019, 3 374 tagata na maliliu ai mafua mai I avetaavale faasuaava, atoa ai ma le lata I le 1600 na faamanualia ona o faalavelave foi faapea.

Ole fautuaga a leoleo afai ua e ona, valaau sau taxi poo se tasi o au uo poo le aiga e momoliina oe I le fale ina ia e taunuu manuia.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required