O le Talanoa Fogafala o se tasi o polokalame na faalauiloaina e le Iunivesite Aoao o Samoa ma le Iunivesite o Aukilani e tusa ai o se auala e faasoa ai i le talafaasolopito o le Pasefika e tauala lea i tusitusiga, pese aemaise o galuega tusiata.
I se pepa o faamatalaga mai le Iunivesite Aoao o Samoa, na faaalia ai foi ma nisi o loo iai i totonu o lenei faamoemoe e aofai ai ma nisi o fanau aoga e ala i tusiga ata o loo faamatala ai le siosiomaga ma faasinomaga eseese i le Pasefika.
O se tasi o vaega o lenei faalauiloa o se tasi o faaaliga ua ta’ua Refelctions of a Maestro mai i se tasi o faiaoga tusiata lauiloa ia Ernesto Coter e pei ona faatinoina e nisi o tusiata iloga i le atunuu.
O le Talanoa Fogafala o se vaega tāua lea i le faigapaaga a Iunivesite e lua i le faalauiloa ai o agavaa a le Pasefika e ala ia latou galuega faatino.
