E toeitiiti 27 miliona ua folafola e le Palemia o Niu Sila mo poloketi i Fiti atoa ai ma le aveesea o le manaomia ona talosaga o tagata Fiti mo ni transit visas e ulufale ai i Niu Sila.
O mataupu ia ua faalauiloa mai i le lipoti a le televise tasi ina ua mae’a le fonotaga a Luxon ma le Palemia o Fiti, Sitiveni Rabuka i Fiti i le isi vaega o le faigamalaga a le Palemia i le Pasefika.
Ua iai foi ma se taula’iga e unaia ai tulaga tau fefaataua’iga ua faatulaga i le va o atunuu e lua.
O poloketi e pei ona faalauiloa o le a fesoasoani ai Niu Sila o le a faatupe mai le NZ International Development Cooperation programme ma o le feiloaiga a ta’ita’i o atunuu e lua ua atili faamalosia i sootaga.
Na saunoa Luxon i lea lipoti ma ta’ua ai o le faataga o tagata Fiti e ulufale mai i Niu Sila e aunoa ma se transit visa e manaomia o se tasi lea o auala e faailoa ai e Niu Sila lona naunautaiga mo Fiti.
O a taeao ua fuafua e toe taliu mai ai i fanua le faigamalaga a le alii Palemia.
Puna o Faamatalaga: https://www.1news.co.nz/2024/06/06/prime-minister-announces-big-change-for-fijians-entering-nz
