Ua folafola e le Ea Niu Sila i ana paaga e oo atu i le kirisimasi ua tulaga lelei fuafuaga a le kamupani i ana paaga.

I le mae’a o se tausaga faamanuiaina i le tausaga faaletupe a le kamupani vaalele, fai mai lipoti o loo silasila le kamupani i le faaleleia atili o le auaunaga. 

Saunoa le Ofisa Sili o Greg Foran i le Newstalk o le aoina o uta ma le sootaga ma le faatuai o faigamalaga e ono oo atu lava i le lua itula ma e lē o se tulaga lelei lea. 

Na ia faailoa foi o luitau autu lava o le uunaia o le aufaigaluega ma o latou tomai aemaise e lei leva nei ona faafaigaluega atu nisi tagata faigaluega fou.