Ua tau fai mata’itū uma e le to’atele o le aufaasalalau i Ausetalia nei nisi o mataupu tāua ua fofogaina i le asō e le ACCC, le ofisa lea a Ausetalia e vaavaaia ni faaseā ma ni tulaga e aafia ai auaunaga i le atunuu o le a tuuina atu i le tulafono ni mataupu e aofia ai supamaketi tetele e 2 i Ausetalia.

O loo feta’ua’ina e le ACCC o le kamupani ma le Woolworths ma le Coles ua o la faasese a la paaaga poo tagata faatau i nisi o pa’ū o le tau o le faitau selau o oloa.

Fai mai le ACCC o supamaketi uma ia e lua na siitia tau o a la oloa a itiiti mai pe ā ma le 15 pasene.

Fai mai a mae’a sina taimi e siitia ai tau o ia oloa ona toe tuuina lea i se vaega e ta’ua o loo faia ai se faapitoa e pa’ū ai le tau.

O lona uiga la e tatau ona faaitiitia atu loa la le tau o le a faatau ai lea oloa i le taimi lea pe a fua i le pa’ū sa faailoa muamua.

Ua ta’ua la e le ACCC e lē o le tulaga lea o iai o lona uiga la o loo faatau ai le tele o nei oloa i tau o loo maua ai le faitau miliona o tupe mamā a ia pisinisi.

Fai mai le ACCC e talitonu o loo faasese ai e supamaketi ia e lua tagata faatau e uiga i discounts poo pa’ū o tau o oloa.

I se pepa o faamatalaga mai le Woolworths ua faailoa ua ta’ua ai o le a faaauau pea ona fesoota’i ma le ACCC i le mataupu.

Peitai o Coles ua faailoa i se pepa o faamatalaga o le a o latou finauina le mataupu lea i le faamasinoga.

O le ACCC pe a faaumi o le Australian Competition and Consumer Commission.

Puna o Faamatalaga: https://www.9news.com.au/national/accc-sues-coles-woolworths-alleges-misleading-discount-campaigns/52f4e70b-cb8f-49ed-aba3-cad1a3bf2eba