E 9 uilaafi, o pulou e faaaogā e leoleo o le a faafoea uilaafi poo pasika, o meafaigaluega e faaaogā e le Matagaluega o Leoleo Falepuipui ma le Ola Toefuataina na foai ananafi e leoleo Ausetalia mo le Matagaluega.
E tusa ma le $400,000 le tau aofai o le fesoasoani.
O le malo foi lenei atoa ai ma isi malo o le Pasefika lea ua ofo mai la latou fesoasoani mo Samoa i le itu tau i le saogalemu o le auusufono o le Fonotaga a Malo o le Taupulega lea o le a faia mai Samoa i le tausaga fou.
Ua ta’ua e le alii Komesina, o uilaafi e 9 ua foai mai o le a fesoasoani atu i isi uilaafi e 21 o loo faaaogā nei e le Matagaluega.
Ae ua faailoa mai foi o loo manaomia pea uilaafi ona e tatau ona silia i le 100 uilaafi e faaaogā e faafeao mai ai taitai o Malo o le Taupulega lea o loo faamoemoe e malaga mai i lea fonotaga.
