Ua lipotia e to’atele ua aafia soifua i le faaitu o St Lucie county i Florida ona o se asiosio ua aafia ai lea faaitu o le setete, lea foi o loo aafia i le taimi nei i le afā malosi o Milton.

O lipoti a le CNN ua ta’ua ai e to’atele tagata ua maliliu i fafo ane o se tasi nofoaga peitai o loo faatalia se faamaoniga.

O ata mai meapu’eata o loo faasalalau tuusa’o mai ai aafiaga o le afā i luga o upega tafa’ilagi ua iloa ai e fai si mamafa o timuga ma ua faateteleina popolega i lologa aemaise i gataifale o le faaitu o Tampa.

Ua vaaia foi le malolosi o matagi, maitauina le tele o aafiaga i se tasi o pitonuu e igoa o Sarasota i Florida lava, e manatu le vaaitau ua pasi ese le mata o le afā mai le faaitu lea ma faasolosolo atu i Siesta Key, se tasi foi faaitu i lea lava setete.

Puna o Faamatalaga: https://us.cnn.com/?hpt=header_edition-picker