Ua toe agai foi ile faamasinoga le loia o loo tulai mo Brian Tamaki e finauina se suiga I tuutuuga o le tatala ai I tua o lana client. Mo le silafia ua faatolu ona molia Tamaki ile auai ai I solo tetee sa faia I le Auckland Domain, tetee faasaga I vavao o le koviti 19.
O lana loia o Rob Mansfield QC ua lipotia I tala mai le Herald sa ia finau e apili nisi o tuutuuga ma aiaiga sa faatulaga mai e le faamasinoga ile masina talu ai ina ua fofogaina le mataupu I le faamasinoga. I lalo o le Bail Act ole a le mafai ai ona lipotia mea sa finauina ile feiloaiga lea ae ua manino e lei faia se faaiuga a Justice Geoffrey Venning i lea mataupu ile taimi nei.
E teena uma e Tamaki ona moliaga atoa ai ma nisi o tuuaiga e faapea ua ia solia aiaiga o le toe tatala ai o ia I tua. O le saunoaga a le faamasino Justice Bonnar sa feagai ma le mataupu na tulai ai Tamaki ile faamasinoga talu ai, ua ia taua ai ua ia iloiloina pe ua le alaga tatau loa ona taofia pea loa Tamaki ile vaaiga a leoleo ae le o le tatala mai I tua.
