E ono fesootai le tina lea na fana i totonu o lana taavale i le faaiuga o le vaiaso, ma vesiga o loo faaauau pea nei i le va o kegi a le Black Power ma le Mongrel Mob.
Faamaoniga lea mai le ofisa o leoleo e tusa ma le tina lea ua lavea i pulufana i Opotiki i Bay of Plenty i le Aso Toonai, ma e faapea na lavea a o fana ai lana taavale.
Na sulu i le Ambulance station ma auina atu ai i le falemai i Whakatane i se tulaga tigaina.
A o suesue ai lenei mataupu, o le aso ananafi na tuuina mai ai e le faamasinoga le faatagana poo le malosiaga faapitoa i lalo o le tulafono a le Criminal Activity Intervention Legislation Act 2023 i leoleo e mafai ai ona o latou suesueina taavale faapea fale o loo masalomia o loo iai sui o kegi, ma e mafai ai foi ona o latou aveesea faamalosi ese mai laau malosi, taavale ma isi auupega.
O loo faaauau pea suesuega a leoleo i lenei mataupu faatasi ai ma le tele o lipoti mai le vaiaso ua tuanai atu i taavale faapea fale o Opotiki na tafana.
