E 20 a’oga i le motu i Savaii e aofia ai aoga tulagalua ma se kolisi maualuga o le a fesoasoani le Malo e faatupe nisi o vaega o faleaoga sa faaleagaina i taimi o tafega ma lologa i le tau faaiuiuga o le masina o Iuni.
O se fesoasoani e pei ona lipotia ai se faaiuga a le Kapeneta ua pasia ai se vaegatupe e tusa ma le 50 afe tala.
O le Kolisi o Amoa ma le aoga tulagalua i Saipipi e tai 6 afe tala o le a faamatuu iai, ma o nisi ia o aoga a le Malo sa afaina tele i lologa.
O le aoga tulagalua o le Laumoli e 4 afe tala, ma isi aoga tulagalua e 17 o le a maua le tai 2 afe ma o seleni e faaleleia ai lotoā ma malae na afaina i lologa ma tafega.
O le matagaluega o aoga, taaloga ma aganuu o le a gafa ma le faasoaina o seleni ua pasia mo ia aoga i le tatou motu o Savaii.
