Ua fautua mai le minisita o le puipuiga a Ausetalia, Penny Wong i le lamatiaga o se vevesi i le South China Sea ma le Taiwan Strait se’i vagana ua iai ni puipuigamalu faaupufai o malo ma faaletulafono e faia iai.
O le saunoaga lea na faia a Wong i le uluai aso o fonotaga i le ASEAN Summit o loo faia i Melepone lea o loo talimalo ai le Palemia o Ausetalia i taitai e toaiva mai le Atu Asia.
E ui o le fonotaga o loo taulai lava i mataupu tau tupe ae ua lipotia e le 9News o loo iai lava le popolega o Ausetalia i mataupu tau le puipuiga aemaise foi o le faamiliteliina e Saina o le South China Sea.
Fai mai Wong ua mautinoa o se vevesi e ono tulai mai i le itulagi lenei o le a lē lelei lea mo komiuniti ma tamaoaiga e pei lava foi o le vevesi i Gaza ma Ukraine.
Ua teena e Saina se faaiuga mai le faamasinoga faavaomalo i le 2016 na teena ai le latou claim poo le mauaina e latou o se vaega tele o ogasami o loo lotea i le mataupu lea.
Ta’ua mai ua faatupulaia le tele o atunuu e amanaia le mataupu lenei i le South China Sea i le mataupu e faatatau ia Saina ma isi atunuu.
