Search
Search
Samoa Tupua Tamasese Meaole (TTM) Hospital
Maota gasegase o Tupua Tamasese i Motootua

Faatupulaia tagata ua aafia i le fiva o ponaivi

I se pepa o faamatalaga mai le Matagaluega o le Soifua Maloloina o loo lapataia mai ai le mamalu o le atunuu ina ia tautuana le tumamā lautele, ona ua maitauina le toatele o tagata e maua i le fiva o ponaivi.

Faaalia e lea pepa o faamatalaga o le masina o Fepuari agai mai i le amataga o le masina lenei o loo maitauina ai le toatele o tagata e agai atu i le Maota Gasegase ua maua i le fiva o ponaivi.

Faailoa mai e le Matagaluega o loo matā’itu pea e le vaega e nafa ma le matā’ituina o gasegase pipisi le tulaga e iai lea gasegase ona faailoa mai ai lea mo le nofo silafia e le atunuu.

O le fiva o ponaivi e afua mai i le siama e feaveai e le namu ma e tele lava ina aafia ai atumotu o le Pasefika e aofia ai ma Samoa.

O āuga e aofia ai le niniva o le ulu, fiva, tiga tua o mata, sooga o ponaivi, faafaufau, faasuati ma pata le tino.

Ua fautuaina e le Matagaluega le mamalu o le atunuu ina ia tausisi le tumamā lautele ma ia faamuamua le saogalemu, ae lē gata i lea ia faatino gaioiga e tuuitiitia ai le pepesi o le faama’i o ponaivi.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required