E manatu se tasi o sui o le Pulega a Aukilani I sisifo poo West Auckland ua fai si tele o faalavelave tutupu mai lo latou faaitu.
O le vaiaso nei ua taofia ai foi e leoleo se alii ile maea ai o le tafana ane o uafana ile ea.
Ole vaiaso nei na faatino ai ia gaioiga ile West Coast Road.
E leai se tasi na afaina ae na faailoa I leoleo ose tasi o tagata na aofia ai I lenei mataupu sa iai lana fana lea na faapapa solo.
Faia suesuega a leoleo I le mataupu ma faailoa mai e 38 tausaga o se alii ua molia ile taufaamatau e fasioti ma isi moliaga faatatau I auupega.
O molimau a nisi mai le magaala lea o Don Buck na taua ai le faateia ile vaaia o poloka a leoleo I le alatele ma leoleo faaaupegaina.
E manatu ai le sui ole Council mai Waitakere o Linda Cooper e faapea o le tele o mea e aofia ai kegi I lea faaitu ose popolega tele lea mae manatu ua tatau ona siitia le auaunaga a leoleo e faatatau I le mataupu lenei .
E lei leva foi ona faalogoina le pa pa o fana I Mt Roskill ile taeao o le aso Toonai na tea nei lea o loo faaauau pea iai suesuega
