vaccinate

Faatonu e le faamasino le faia o tuipuipui o le teineititi 4 tausaga

Ua faatonuina e se tasi o faamasino o le faamasinoga o aiga le faia o le tui puipui masani o se teineititi 4 tausaga le matua e ui I popolega o lona tama I lea tui.

Ole faaiuga a le faamasinoga e pei ona faailoa I luga o le upega tafailagi a le faamasinoga ua faailoa ai e le faamasino o Richard Russell I le faamasinoga o aiga I Blenheim o le teineititi e toatolu ona guardians poo tagata o loo vaaia, e aofia ai lona tina, lona tama ma le ofisa sili o le Oranga Tamariki talu mai le 2018.

Fai mai le faamasino o le teineititi e soifua maloloina peitai e lei faia lava ona tuipuipui ona e le manao ai lona tama, fai mai a ia e popole I vailaau o loo aofia I le ltui ae poo ai o le a lafo iai le matafaioi pe afai e iai se mea e faaletonu, E lei faia foi ni ona tui talu lona laititi mae talitonu e iai lava puipuiga a le tino ia e tetee atu ai I faamai.

O le tina o le teineititi o loo ioe I le faia o le tui ae fai mai le matagaluega o le soifua maloloina o tui ia e tatau ona faia I le 6 vaiaso muamua o le tamaititi, 3 masina ma le 15 masina talu ona fanau mai.

Fai mai le faamasino e tatau I le fomai a le teineititi ona faatino le matafaioi lea o le tuuina o se faatulagana o le taimi e fai ai tui.

E le o le taimi muamua lea ua oo ai se tulaga faapea I le faamasinoga lea, sa faapea foi se mataupu na aliae I le 2017 iRotorua ma leisi foi mataupu faapea I le 2019 I Aukilani lava

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required