Ua faailoa i lipoti le maua pea e leoleo o tagata ua tuua’ia i solitulafono e fesootai i le umia o le nakoti poo le pauta faasāina o le aisa le methamphetamine, e pei ona faailoa i le faai’uga o le vaiaso e le Komesina o leoleo, le faia o se suesuega i se tama a’oga i se kolisi maualuga na maua o ia umia ma faaulufale i le a’oga le aisa.

Ua faailoa e le Komesina o leoleo, falepuipui ma le toe fuataina i le nusipepa o le Samoa Observer ua faailoa e lea tama a’oga ina ua suesueina o le aisa sa ia avatu e mo se faia’oga.

Ua tapa ai e leoleo le lagolago atu pea a le atunuu lautele i le tuuina atu o faamatalaga i ni nofoaga ma tagata ua latou masalomia pe talitonuina o loo lotolotoi i le faatinoina o le solitulafono o le umia o lea ituaiga o nakoti.

Ua molia e leoleo lea tama a’oga ma o loo tatala i tua i ni aiaiga e faatali ai le aso e tulai ai i le faamasinoga.