E fā iuni ua valaau mai i le minisita o tupe ia Nicola Willis e faamavae.
O se talosaga ua sau ai i le mae’a leai mai o le minisita i le aisiga a le KiwiRail mo se isi tupe faaopoopo e faatupe ai le faatau mai o nisi vaa feoai i le sami e sui ai vaa tuai a le Interislander o loo iai nei.
Ae i se tali mai a le minisita o tupe, e lē faamavae ma o se faaiuga foi ua iai o le faaiuga na faia e le Kapeneta ma e maualuga lona talitonuga o le faaiuga sa’o lea mo le atunuu.
Fai mai ai ma Willis, e mafanafana lona taofi o le a iai pea vaa fou peitai e lē o le ituaiga o loo manao iai le KiwiRail.
Ae mai le Pule Sili o le KiwiRail, Peter Reidy, ua ia fesiligia poo ai sa’o sa tatau ona faatupeina.
