E fā vaiaso ua tuu atu e le Faamasinoga Maualuga i le tamaitai Filipino o Arianne Timblique e totogi ai ia mae’a lana salatupe e fā afe tala ina ua faamaonia lona ioeina o moliaga o le umia o ni tagapepa iila laiti se fā o le nakoti o le aisa, ma le umia o ni ututau.
O lea tamaitai na malaga mai Amerika Samoa ma afea le malaevaalele i Faleolo ia Iulai o le tausaga na te’a nei i le faamoemoe e pu’e ai le isi ana vaalele e faaauau ai lana malaga, peitai o le toe aga’i e siaki ona pepa malaga ma ui atu ai i le vaega o le puipuiga o le malaevaalele, ae na maua i masini fā’ata le ato a le tamaitai o loo iai le aisa ma ututau.
E faato’ā mafai ona alu ese o ia ma Samoa pe a mae’a totogi lana sala tupe.
