Na tula’i i le asō i le Faamasinoga Faaitumalo i Aukilani se alii talavou e 19 tausaga o loo molia i le fasiotia o Maxwel Dee Repia i Grey Lynn i le vaiaso talu ai ma ua faailoa e lē o mafai lava ona faailoa le igoa.
Ua faailoa e le Newstalk i lana lipoti o loo faamauina i faamaumauga a le faamasinoga o le talavou lea e aumau i Grey Lynn ma na fofogaina i le faamasinoga o loo sailia pea e leoleo le taavale na faaaogāina i lea faalavelave aemaise o le a’upega na faaoo ai le maliu ia Repia ma faamanu’alia ai ma isi.
Ua toe taofia nei le alii lea seia aulia le aso 25 o Setema e toe tula’i ai i le Faamasinoga Maualuga i Aukilani.
O lē ua maliu, Maxwel Dee Repia 18 tausaga na fana ma maliu ai ae faamanu’alia ai ma isi tagata e to’atolu o loo i le falema’i, e talitonu leoleo o lē ua maliu sa aoga i le Mt Albert Grammar.
Puna o Faamatalaga: https://www.newstalkzb.co.nz/news/crime/grey-lynn-shooting-teenager-to-appear-in-court-charged-with-murdering-maxwel-dee-repia-along-with-alleged-accomplice-after-the-fact/
