Ua faasa e le kamupani poo le faleoloa o le Kmart tagata faatau e lei faia ni tui puipui ona ulufale atu I ona faleoloa i Niu Sau Uelese ma e iu ina faapena foi mo a latou faleoloa i Niu Sila nei pe afai e manaomia e le malo ona faatino lea tulaga.

Tala mai le Stuff I le vaiaso nei ua faailoa ai ele ofisa sili o le Kmart, John Gualtieri e manaomia tagata ina ia faamaonia ua maea ona faiauma tui puipui o le koviti ona mafai lea ona ulufale I faleoloa e pei ona iai aiaiga mai le malo. Ua faailoa foi e le kamupani o le a faaauau lava ona o latou mulimulitaia poloaiga mai le malo i atunuu uma o loo iai a latou faleoloa.

Ole taimi nei I Niu Sila e lei faamautuina mai tulafono mo faleoloa ma auaunaga talimalo ae o tagata faatau e manaomia ona faia talifofoga ma saini e faaaoga ai le covid tracer app.