Faaopopo le isi 5 aso ma’I – sick leave

Ua galue nei le malo e faataunuu le faaopopoga o le isi 5 aso mo aso ma’I poo sick leave

Saunoa le tamaitai palemia ua galulue nei e faaulufale le suiga o le Tulafono e aloaia ai le 10 aso mai I totonu o le tausaga, siitia mai ai mai le 5 aso o loo iai I le taimi nei

O se suiga o le a laugatasia ai NZ ma atunuu e pei o Ausetalia, ma o se lesona lelei lava lea na maua mai ile taimi koviti I le vave ona pepesi o le siama ma aafia ai le toatele o tagata I totonu o se taimi puupuu

Saunoa ai le minisita o le saogalemu o falefaigaluega, Michael Wood, o se suiga o le a tuuitiitia ai le fuainumera o tagata faigaluega e ave aso ma’I e aunoa ma se totogi ona ua leai ni aso livi, ma e le o suia I le teuteuga lenei le 20 aso ma’I e mafai ona tauave mo le isi tausaga

Faamauina ai e le vaega o pisinisi ma galuega o se suiga o le a alu ai le tusa ma le .9% o tupe faaalu I totonu o le atunuu I totogi

O se tasi lenei o suiga na polomisi mai ai le Jacinda ma le Leipa I le taimi o ana faatosina o le faigapalota, ma o loo fuafua e aloaia I le latalata I le faaiuga o le tausaga fou.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required