Ua amata faaaoga I le aso le faaopoopoga fou o le COVID Tracer app, lea ua faafaigofie ai ona fesootai ma isi telefoni lalata ane e ala I le Bluetooth
O le tuu iai o le Bluetooth I le app o le a okomeki ma vave ai ona fesootai le app ma le e ana le telefoni a mea o loo iai I se nofoaga faatasi ma se isi ua faamaonia ua maua I le koviti, ma o le a maua foi le feau tusitusia e ala I le faia o se siaki mo le koviti mai le soifua maloloina
Saunoa ai le minisita o le soifua maloloina, Chris Hipkins e le o suia e le Bluetooth lenei le tatau ona scan o le app I nofoaga e asia, peitai o loo atili faaleleia ai ma vave ona fautuaina tagata mo siaki
I ripoti o lea ua amata ona tau le faaaogaina e le toatele le app, lea e I lalo mai o le 200,000 telefoni na scan I le aso Gafua o le vaiaso nei, o se pau tele pe a faatusa I le latalata I le 1 miliona sa iai I le amataga o Setema
Ua sau ai ma le popolega o nisi o tagata suesue ona o se faaopoopoga e ono talepe ai le natia o faamaumauga o tagata lautele, peitai o loo teena e le minisita nei faamatalaga, ma ia faamanatu o lea na uia e le Bluetooth COVID Tracer app le Privacy Commissioner ma ioeina ai le faia o lenei suiga 2.4 miliona tagata NZ ua lesitala pe faaaogaina le tracer app, ma I faamaumauga o lea ua amata ona mou malie atu le masani sa iai o le scan o le app I nofoaga e asia
