Ua mae’a nei ona faamautu le tali a le Malo i le Royal Commission of Inquiry na afua mai i le faalavaelave na tupu i le aso 15 o Mati 2019 i Kalaiesetete ae fai mai le faamatalaga e lē faapea ua mae’a ai le galuega e fia faia.

O le tamaitai minisita o Judith Collins na ia saunoa o nisi ia o aso pogisa i le talafaasolopito o Niu Sila ma e lē faagaloina.

E 51 tagata na fasiotia i lea faalavelavae ina ua agai ane le alii faatupu faalavelave ma tafana fale tatalo ma afaina ai le toatele.

Fai mai Collins o le suesuega a le Royal Commission ua laga ai le tele o mataupu e faatatau i le saogalemu ma ua iai galuega ua faatino e foia ai ia tulaga, ae lē uma ai i le galuega.

O le tali lea ua faamautuina ma lona tuufaatasia sa taulamua ai le ofisa o le Palemia ma le Kapeneta ma o loo tumau pea le naunauta’iga ina ia faamautuina pea le saogalemu ma le sefe o le atunuu ma ona komiuniti.

Puna o Faamatalaga: https://www.1news.co.nz/2024/08/02/govt-concluding-formal-response-to-march-15-royal-commission/