Ua manino le avea ai o le afioga ia Niuava Eti L. Malolo ma faipule filifilia o le Itumalo Vaisigano No.1. O lea faaiuga a le faamasinoga maualuga na tuuina mai i le taeao nei ma na faaali ai foi le agaga fiafia o le vaega faaupufai a le Faatuatua i le Atua Samoa ua Tasi (FAST) ona ua toe faamanuiaina foi se tasi o latou sui faipule.

O le afioga ia Niuava lea na tauva mai ma lē sa avea ma Minisita o Faatoaga ma Faigafaiva le afioga ia Lopaoo Natanielu Mu’a ma na tulai mai le iuga o le palota i le Aso 9 o Aperila Niuava 798 le aofaiga o palota, Lopaoo 517.

I fafo ane o le potu faamasino i le maea ai o lea faamasinoga na momoli ai le faafetai a le taitaifono o le FAST Laauli Leuatea Polataivao Schmidt ia Niuava ona o le onosai lea ua manuia ai lea faamoemoe.

Faailoa foi e Laauli, e to’a 25 ia Niuava sui mautinoa a le FAST ma o loo tlaia le faamasinoga a le latou sui filifilia e toatasi o le latou fofoga fetalai filifilia afioga Taeumasepa’u Papalii Li’o ma aloaia ai loa le aofai e 26