Search

Faamaonia isi cases fou e lua I le maea tuua ai o le Pullman sa faanofoesea ai

Ua faamaonia isi tagata e toalua o le komiuniti

O le po anapo I le maea ai o siaki lona lua na faia, na faailoa mai ai e faamaonia nei cases e lua, ma o nisi e faamaonia ua tuua nofoaga sa faanofoesea ai, pe ua I tua I le komiuniti

I le ripoti anapo o loo taua mai ai o I laua nei sa faanofoesea faatasi ma le tina Northland I le faletalimalo a le Pullman I Aukilani, I le piriota lava foi e tasi, ma e tuufaatasia tala o le taeao o loo tapena le toe auina atu I totonu o le nofoaga e faanofoesea ai

I se pepa o faamatalaga mai le faatonusili o le soifua maloloina, Ashley Bloomfield anapo, o loo masalomia na maua e I laua nei le vairusi latalata I le taimi na tuua ai le faletalimalo sa faanofoesea ai, ma e negative uma o laua siaki na faia

O le aso o loo faia ai suesuega ua taua o genome sequencing e faamautinoa ai le talaaga o le vairusi ua maua ai, ma e le o mafai foi ona mautinoa I le taimi nei poo lea faatoa maua I le vairusi pe historic poo nisi na maua muamua

Ae I le lisi o nofoaga na asia e I laua nei mai le aso 17 o Ianuari seia oo mai I le Aso Lua o le vaiaso nei, o le tele o nei pisinisi o loo I matu o Aukilani, e iai Albany, Silverdale, Orewa ma Northcote

Na vave tapunia ai ma le lala a le Countdown I Orewa anapo ae faamama, peitai mulimuli ane faamautinoa mai e le o lavea I le lisi o supamaketi na asia e I laua ua faamaonia siaki o le Koviti

Faamanatu ai ma Bloomfield e taua tele le sa’o o tagata e agai mo siaki, ina ia tuu ai le soona tumutumu I nofoaga o loo faia ai siaki o le Koviti mo le komiuniti O lea ua 3 cases faamaonia I totonu o le vaiaso lenei mai tagata ua tuua le faletalimalo a le Pullman sa faanofoesea ai I Aukilani

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required