O le agaga fiafia ona o loo faaopoopo pea le numera o tuaa Samoa ua faamanuiaina talosaga i le sitiseni Niu Sila i lalo o le tulafono Citizenship (Western Samoa) Act 1982, lea sa toe lagaina e le faipule ia Teanau Tuiono i totonu o le Palemene o Niu Sila.
E oo mai le aso 31 Mati o le 2025, ua ausia le 1,484 tamā ma tinā matutua o Samoa ua faamanuiaina nei i o latou sitiseni Niu Sila.
O faamatalaga uma mo talosaga o le sitiseni Niu Sila o loo maua i le upega tafa’ilagi a le Department of Internal Affairs: https://www.govt.nz/browse/passports-citizenship-and-identity/nz-citizenship/apply-for-nz-citizenship-if-born-in-samoa-before-1949/
O le taimi nei ua iai le ‘support group’ e ta’ua o le FALIU LE LA o loo faamaopoopoina e le ASA Foundation mo aiga o nai tuaa ua faamanuiaina i le sitiseni.
O se auala e fesoasoani ai mo faamatalaga i faamanuiaga e agavaa iai tuaa pe a maua le sitiseni Niu Sila.
Mo aiga ua faamanuiaina tuaa ma e fia auai i le ‘support group’ FALIU LE LA, faafesoota’i Teleiai Edwin Puni i le imeli: edwin@puni.co.nz
- Faia o talosaga mo le maua o penifiti mai le WINZ mo i latou ua nonofo i Niu Sila poo tuaa foi o loo tafafao mai Niu Sila mo se vaitaimi.
- Faia o talosaga mo fale ma auaunaga tau soifua mālōlōina.
- Faia o talosaga mo le Super Gold card i faamanuiaga tau femalagaa’iga i totonu o Niu Sila.
E iai nisi o tuaa ua faigatā ona toe malaga mamao, peitai e iai le fautuaga e fai pea le sitiseni NZ auā a manuia ua toe refund atoa atu le seleni sa totogi ai le talosaga.
O loo iai se taumafaiga mo le talosagaina o le malo e faapafala le 10 tausaga e nofo ai i Niu Sila faato’ā agavaa i le penisiona a Niu Sila.
Afai ae manuia lea taumafaiga, ona mafai lea e i latou o loo alaala i Samoa ona tala lea faamanuiaga.
E iai nisi o ulugalii o loo soifua uma ma ua manuia le tamā poo le tinā i le sitiseni Niu Sila ae e lē o agavaa le isi i lalo o le tulafono lenei o le Citizenship (Western Samoa) Act 1982.
Peitai e ono mafai ona talosaga pepa nofomau i lalo o le isi Partnership Category.
Silasila i pepa o faamatalaga o loo faapipii atu.
O loo i lalo suafa ma telefoni a loia Samoa faapitoa i mataupu tau immigration e mafai ona faatau iai:
Salamasina Tim Toilolo (09) 266 0122. imeli: t.toilolo@xtra.co.nz
Diana Bell (09) 200 1745. imeli: dianab@shlaw.co.nz