Chris-Hipkins

Faamalosia nei na’o siaki o tagata faigaluega I luga o vaa mai fafo

E le o manao le minister o le soifua maloloina, Chris Hipkins e faanofoesea mo le 14 aso tagata mai fafo e faigaluega I luga o vaa la’u oloa

O sona ia lea finagalo faaalia, ona o le manumanuga I le aafia o le taunuu mai ma le toe fo’I o vaa lauoloa I totonu o le atunuu

Na ia faamanino, aua ae o le faiga lea o le talia o le kiliaina o nei vaa seia maea le 14 aso e faanofoesea ai le aufaigaluega, e le toe omai ni vaa

Peitai o loo teena e le sooupu o le uafu tele I Aukilani, Matt Ball I luga o tala e le newshub, lea na faailoa e Matt, e le o le tulaga lea e tatau ona iai peitai, o le faanofoesea ua faamamaluina nei e le uafu I Aukilani ma Tauranga mo nei tagata mai fafo o se faailo lea I pulega o nei vaa e tatau ona fuafua e vave taunuu mai I totonu o NZ tagata faigaluega mai fafo, ina ia fetaui le taunuu mai o le vaa ma le uma o le 14 aso

O le mataupu lenei ua faia ai lava e uafu I Aukilani ma Tauranga a laua tulafono o le faanofoesea ma faia siaki o tagata faigaluega mai fafo e aunoa ma le faatali I le malo, ona o lea faatoa iloa ane nei, e le’I faia lava ni nei gaioiga talu mai ona aloaia le faanofoesea o tagata faimalaga mai atunuu mamao

O le faaiuga o le vaiaso talu ai na faailoa mai ai e le minisita le faamalosia nei o siaki mo tagata faigaluega i luga o vaa mai fafo, ma a faatusatusa I aiaiga ua faia nei e pulega o uafu I Aukilani ma Tauranga, e fai lava si tuai o le malo atoa ai, e leai se faanofoesea o sau I le faasilasilaga a le minisita E le o suia e le faasilasilaga a le malo, aiaiga o le siaki ma faanofoesea ua maea ioeina e uafu I Aukilani ma Tauranga.

Keep uptodate with Radio Samoa activity & promotion

* indicates required