24 itula lea ua faamalolo ai mai le Palemene le taitai o le pati a Maori, Rawiri Waititi mafua mai I ana lafoga lea na faia I le vaiaso talu ai faatatau I se tasi o mataupu o loo I le faamasinoga.
O le faaiuga lea a le fofoga o le maota Adrian Rurawhe, mafua I le laga mai e Waititi o se tasi o mataupu o loo iloilo nei e le faamasinoga, ma e oo lava foi I le fofogaina mai o le faaiuga a le fofoga fetalai ananafi sa taumafai lava e ufiufi ina ia malu lenei mataupu aemaise o le mulimulitaia o tulafono l le maota faapea ai ma le faamasinoga.
Saunoaga a le fofoga fetalai ua matuai soli lava e Waititi tulafono o le maota, ma e le mama I le maota le faia o ni saunoaga e faia ma le iloa.
Peitai ao fofoga mai ai le faaiuga a Rurawhe ananafi, e le I iai Waititi I le maota fono o la e savali I le faaaliga a le Fashion Week.
