Ua faaleaogaina lapataiga o le tsunami na lapataia ai Vanuatu ma New Caledonia i le taeao nei.

Fai mai le German Research Centre for Geosciences e 7.2 le malosi o le mafuie na luluina ai Vanuatu ae tusa ma le 10km lona loloto, ae mai le United States Geological Survey e 7.1 le malosi ae o lona loloto e tusa lea ma le 48km.

Na sau ai ma lapataiga ia Vanuatu faapea New Caledonia e sauniuni e ono mulimuli mai ai ma le tsunami, peitai e tuufaatasia tala fou ua faamaonia mai e le US Tsunami Warning Systems, e leai se tsunami.