Search

Faalauiloa le Auckland Transport Plan

Ua toe faatulaga le fuafuaga mo inivesi a le malo ma le Pulega a aukilani I le itu tau femalagaaiga I totonu o le aai, lea ua faatulaga ai le paketi e 31 piliona I totonu o le 10 tausaga e aofia ai ma le faapau o le tau o pasese mo femalagaaaiga lautele.

O le Auckland Transport Plan e pei ona faailoa I lipoti a le herald ua aofia ai ma leisi 3 piliona faaopoopo mai le fuafuaga o le 2018.O nisi o fuafuaga fia faatino I lenei tausaga e aofia ai le faatupeina o nisi o poloketi tetele e pei o le City Rail Link e 4.4 piliona e faaalu ai, o le Eastern Busway ma le Puhoi to Warkworth Highway e 830 miliona e faaalu ai.

Ise faamatalaga na faia a le Minisita o femmalagaaiga Michael Wood I le aso faatasi ai ma le pulenuu o Aukilani Phil Goff ua faailoa ai le naunautaiga ina ia faalauiloa nisi o penefiti ole a maua e tagata e le gata I tulaga tau I le suiga o le tau ae faapea foi I le tulaga o fale o le a maua ai se fesoasoani mai lenei fuafuaga.

E aofia ai I le fuafuaga le tusa ma le 400 miliona mo poloketi e fia faia ia o gatasi ma le fuafuaga a le malo mo fale ina ia faaopoopo le silia ma le 17 afe o fale o Kaianga Ora i Tamaki, Mt Roskill, Oranga ma Magele. Taua I le lipoti lea e amata atu I le masina o Iulai o le tausaga fou pe a ma le 200 afe tagata aukilani e maualalo tupe maua ma iai community service cards, o le a agavaa e totogi nao le afa o le pasese e faimalaga ai i auala o femalagaaiaga lautele

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required