methamphetamine

Faailoa suafa o le au la’u uta ile malae vaalele i Aukilani, fetauaina le aafia ile aumaia o fualaau faasaina ile atunuu

Ua mafai nei ona faailoa suafa o nisi o i latou ua aafia ile mataupu o loo lipotia ai le aumaia ile atunuu faanana o le silia ma le 250 kilokalama o le fualaau faasaina o le aisa.

O nisi o ilatou ia o le au la’u uta ile malae vaalele i Aukilani. O nisi oi latou ia e aofia ai Sitaleki Maka, Tungane Manuel, Sanlolan Piukana, Kimela Piukana, Paul Toroma, Tokofa Toroma, Mariau Samson, Martin Pritchard ma Rhys Tualevao.

E le o faailoaina leisi toalua o loo fetauaina oni sui o le kegi a le King Cobra ma leisi toatolu o loo taofia pea le faailoaina o suafa seia oo ile vaiaso fou. Lipotia e le Herald o loo teena uma ei latou ia o latou moliaga.

E toa 14 alii ma tamaitai na pueina e leoleo ile aso 17 o Novema ile latou suesuega Operation Selena, galulue faatasi ai leoleo ma le ofisa o le tiute a Niu Sila.

O loo iai foi nisi o loo molia ile aumaia, umiaina ma le sapalaia o le 118 kilo ole fualaau faasaina o le aisa mai Meleisia ile aso 31 o Iulai ma le tusa ma le 113 kilo ile aso 9 o Iuni.

Ua faailoa mai ile lipoti o nisi o moliaga e ono soloatoa ai ile falepuipui pe a faamaonia ma ua toatele ua poloaiina ia tuuina ane tusifolau. O le a toe Iloilo le mataupu ile masina o Mati ole tausaga fou.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required