Ua saunoa lē sa avea ma Palemia o Samoa i tausaga ua tuanai, Tuilaepa Sailele Malielegaoi ma lipotia i le RNZ Pacific e faigofie ona o ane tagata i Seoli nai lo le agai mai i Niu Sila.
O le saunoaga a le ta’ita’i o le Itu Agai o le Palemene o Samoa ua faia i le faatalanoaga lautele o finagalo public hearing o loo faagasolo o le pili e faatatau i le sitiseni a tagata Samoa.
E pei ona silafia le faamoemoe o le pili o loo faaalia iai finagalo ina ia toe faataatia ai le alafua i le sitiseni mo se kulupu o tagata Samoa na soifua ane mai le vaitau lea o le 1924 agai i le 1949, lea na toe aveesea a latou sitiseni ona o le tulafono le Citizenship Act 1982.
O loo iai la le ta’ita’i o le Itu Agai ma nisi o le latou vaega faaupufai i Aukilani ma o se vaega o lana folasaga sa taulai ai i le a’oa’oina o talavou Samoa ma le tāua o le Feagaiga Faauo poo le Treaty of Friendship ma Aotearoa.
Na saunoa Tuilaepa i lea lipoti o se faiga faailogalanu lea tulaga ma sa ia lāgā foi le mataupu lea i talanoaga ua tuanai.
O loo faaauau pea le faaaliga o finagalo i le vaiaso nei.
Puna o Faamatalaga: https://www.rnz.co.nz/international/pacific-news/521062/samoa-citizenship-bill-hell-easier-to-reach-than-nz-says-ex-samoan-pm-at-public-hearing
