Search
Search
Photo Credit: 7News

Faailoa mafuaaga taatele o le ma’umau o soifua i luga o le alatele

Ua faailoa popolega o le kamupani a le AA Insurance i amioga faaalia a tagata avetaavale i luga o auala a Niu Sila e afua ai le tele o le mau faalavelave ua ma’umau ai soifua, o se vaaiga lea iai a le kamupani fua i faamaumauga mai aso malolo na se’i mavae atu nei.

E toa 35 soifua ma’umau i luga o alatetele i Niu Sila i le masina lava ia na tea nei ma ua maitauina foi e lē gata i faalavelave tutupu e lavevea ai taavale ae o amioga foi e faaalia e tagata i luga o ala tetele.

Na ta’ua e le AA o le tolu kuata o faalavelave tau taavale na tutupu i le vaitau o le kirisimasi ma le tausaga fou na tea nei, e mafua mai i le tagofia o le avamalosi ma fualaau faasāina a o faafoe le taavale ma le lē faia foi o fusipau, manatu ai le AA ua alagatatau i le Matagaluega o Felauaiga ona faatino nisi gaioiga faaopoopo ia faaitiitia ai lea tulaga.

Fai mai leoleo o mafuaaga taatele o le tutupu o faalavelave i alatetele ua aafia ai soifua e mafua mai i le soona saosaoa, avamalosi, fualaau faasāina ma le lē taulai o le silasila i le alatele atoa ai ma le lē faia o fusipau e lē gata i le avetaavale ae o le pasese foi.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required