O le lipoti a le ACCC e faatatau i faatauga a tagata e faia i faleoloa ua iloa ai ua faaititia le faatuatuaga o tagata i supamaketi ma tau o a latou oloa.

Fai mai le ACCC o le siitia o le tau o oloa o le isi lea mafuaaga o le siitia o le tau o le soifuaga ma ua atagia lea i faamaumauga mai tagata faatau.

O le tau o se ato o ni oloa masani o faatauga i vaiaso ta’itasi ua siitia i le 20 pasene mai le tau sa iai i le taimi ua sola.

O le a mata’itū pea e le ACCC le mataupu lea i supamaketi ma tau o a latou oloa.

Na saunoa se sui o le ACCC i le lipoti, o nisi tagata faatau ua faaali sa’o atu o latou finagalo ia i latou, ua leai se toe faamoemoeina o tau o oloa i supamaketi.

Ua faailoa foi e le Palemia, Anthony Albanese o le lipoti lea a le ACCC o le a auiliili ma le toto’a ona e lē tatau ona faia tagata faatau faapei o ni vale e supamaketi.

Puna o Faamatalaga: https://www.9news.com.au/national/accc-supermarkets-inquiry-interim-report-released/2111e528-2853-425e-a523-f88f0130e9df