Maori All Blacks

Faailoa le ‘au a le Maori All Blacks 

O le uluai taimi lenei o le a taaalo ai le Maori All Blacks ma Aialani i le mae’a o le 12 tausaga ma ua ta’ua i le asō le faalauiloa ai e le faiaoga o Clayton McMillan o lana ‘au mo lea faamoemoe lea e aofia ai ma le ‘afa a le All Blacks ua lē filifilia mo taaloga o le masina fou, TJ Perenara.  

O isi tama taaalo e pei o Brad Weber ma Tyrel Lomax ua aofia uma i le ‘au lea a le Maori All Blacks. Ta’ua i lipoti a le Newstalk e na o le to’aono tama taaalo mai le lisi lea o le ‘au e to’a 28, e taaalo i le Crusaders ma le Highlanders ae to’atele atu tama mai le Chiefs ma le Hurricanes. 

O le taimi mulimuli na taaalo ai le Maori All Blacks ma le ‘au a Aialani o le 2010 I Rotorua. E lua la taaloga o le a faia a le Maori All Blacks ma Aialani, taaloga muamua i Hamilton i le aso 29 o Iuni ma le taaloga i Ueligitone i le aso 12 o Iulai.  

Scroll to Top

Keep uptodate with Radio Samoa activity & promotion

* indicates required