Search
Photo Credit: Satapuala Lou Nuu Moni

Faafotu Tupu i le suafa Toalepaialii o le Matua

Ua nofoia nei le suafa Toalepaialii o le Sa’oalii, o le matua o tofiga i le aiga Sa Tuala.

O le afioga Toalepaialii Toeolesulusulu Salesa Filemoni mai suli o Salesa ua ia tausia le aiga ma le nuu, ina ua mae’a lona faafotutupu na faia i le Aso Toonai ua mavae i le afioaga o Satapuala.

O le nofo mulimuli a suli o Salesa i le suafa o le afioga Toalepaialii Toeolesulusulu Siueva Pose II, ua tuumalo.

O le tausaga na tea nei na tuumalo ai le afioga i le Sa’oalii Toalepaialii Toivao, ma avanoa ai le nofoa o Tavita, seia oo ina toe nofoia nei ina ua see atu le suafa i suli o Salesa.

Faaalia e se matai o le aiga le tofa Tapuala Hesed Ieremia, o le tausaga na tea nei na feiloai o latou suli e saili se gafa o le fale i se tasi e tausia le nuu ma le aiga, ma faamautu ai le nofo ua tulai mai nei i le foe auā le vaaia ma tausia measina a aiga ma le nuu.

Faaalia e Tapuala o le Nofo sa iai i le suafa Toalepaialii i le isi itu paepae o le suafa na tuumalo i le tausaga na tea nei, ma toe filifili ai le aiga potopoto i ona suli ma feoi o le suafa.

O le afioga i le Sa’oalii Toalepaialii Toeolesulusulu Salesaa Filemoni sa aumau ma faamautu i Niu Sila, ae ua toe taliu mai i Samoa e tausi le aiga ma le nuu.

Faaalia e Tapuala Hesed o le Aso Gafua na faatino ai isi saofai a le aiga potopoto i nisi o suafa tamalii ma suafa tulafale e faaopoopo i matai o loo iai e lagolago malosi i le tausia o le aiga i ona itu tetele ma ona itu taulagi.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required