Search
Photo Credit: Facebook

Faafoi le taavale a le malo sa faaaogā e le Minisita lagolago o leoleo

Ua toe faafoi nei i le matagaluega o leoleo, falepuipui ma le ola toe fuataina le taavale a le Malo sa faaaogā e le faipule o Salega Tasi a o avea ma Minisita lagolago o lea matagaluega faapea le pulega o tineimu ma galuega fesoasoani i taimi o faalavelave faafuasei.

O le Aso Faraile na tea nei na toe faafoi ai le taavale e pei ona faailoa e le Komesina o leoleo lea na faatoa toe taliu mai i le atunuu mai Ausetalia i le faaiuga o le vaiaso na tea nei.

O se lipoti a le nusipepa o le Samoa Observer o loo faailoa ai e le komesina lea tulaga.

Ae mo lē sa avea ma minisita lagolago o le matagaluega o leoleo, falepuipui ma le ola toe fuataina aemaise le pulega o le tineimu ma galuega fesoasoani i taimi o faalavelave faafuasei, ua ia talosaga mai e tuu atu se taimi se’i mae’a lona pisi, ona talanoa mai lea.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required