Ua tuana’i atu le aso o le faafotutupu a le alii Palemia o Fiti, le afioga i le Tagaloa Sitiveni Rabuka, ae o loo molimauina i luga o upega tafa’ilagi i le itulau a le alii Palemia lona faaalia ai o lona agaga faafetai i tagatānuu o le afio’aga o Leauvaa ma le faaaloalo ae o se matūpalapala ua tōina atu mo ia.  

Ta’ua e Tagaloa, “e ui e lē o ia o se matai i Fiti, ae ua ia talisapaia le faaaloalo ua faaee atu ia te ia; ua lē ta’uesea ai o ia ae o se tasi o tagata Samoa,” ua ia le ta’uesea foi Leauvaa ae ua ia ta’ua o lona nuu ma lona afio’aga.  

I lona totōina ai o se laau i luma o le malumalu paia o le Katoliko i Leauvaa, na ia ta’ua, ‘ua fai lea ma faamau faailoga, o le tasi lea o ona faasinomaga i Leauvaa’, ua ia ta’ua o lona aiga i Samoa.  

Faaalia foi e Tagaloa, o le a ia tauaveina le suafa matai ma lona loto atoa, ma o le a ia tauaveina foi ma lona mitamitaga tele.  

Na faafetaia e le alii Palemia o Fiti le mamalu o tagatānuu o le afio’aga o Leauvaa mo le talia o ia o se tasi o i latou ma le faaaloalo maualuga ua tuuina atu ia te ia. 

Puna o Faamatalaga: https://www.facebook.com/SRabuka