Ua faafetaia e le aiga o le tamaitai 18 tausaga lea na susunu faatasi lona tino ma le taavale i Hawkes Bay le fesoasoani atu o tagata.
O lea ua faamautinoa mai o Ariki Rigby, 18 tausaga o ia lea na mu faatasi ma le taavale lea na lipotia e nisi o tagata savavali na uia le paka sa iai le taavale ua matuai faaleagaina e le afi.
O le Aso Gafua o le vaiaso talu ai na faatoa maua ai lona tino e leoleo e ui o lea na asia i le Aso Toonai peitai na misi i le vaai a sui o le ofisa.
Faatoa lipotia ua leiloa Ariki i le Aso Tofi o le vaiaso talu ai, ma na ta’ua e leoleo o lea na galulue ai loa ma lona aiga.
Toatele tagata o le aiga o lea tamaitai na agai i luga o le social media ma faatalosaga se fesoasoani, mulimuli ai toe faafetaia ma faailoa mai o lea ua maua ma o le tala faanoanoa o ia lea na mu faatasi ma le taavale i Havelock North.
O loo suesueina nei le maliu o lea tamaitai, o se tasi na faaoo iai e se tasi le oti ma o loo faia nei suesuega a leoleo.
