Fai mai le vaaitau e ono aafia nisi o fuafuaga a tagata i le aso Kerisimasi ona o le timu.

Ua faailoa mai lea faamatalaga i le lipoti o le tau ma faailoa ai o loo iai aso mafanafana i le vaai atu i le aga atu i le Kerisimasi peitai e lē o le ituaiga mafanafana poo le vevela masani ai i le vaitau o le tau vevela.

Fai mai le vaaitau o loo mataitu pea uiga fesuisuiai o le tau ae mo le taimi nei o loo maitauina o le a timu ma o le a faamautuina atili se lipoti o le tau i le aso Kerisimasi pe a faasolo atu i le ogatotonu o lenei vaiaso.

Fai mai le vaaitau e lelei foi le faatalitali teisi mo fuafuaga o le Kerisimasi aemaise i polokalame e faia i fafo seia manino lelei mai se ataata o le Aso Gafua o le vaiaso fou, le Kerisimasi o le 2023.